Lucas 24:14-20

¹⁴Kwian boke e kle chage jonkare geru trage gdabonate Jesu boidu ulita giti.

¹⁵Ama kle geru trage jonkare Jesu giti gire Jesu amaña chiu amadige, Jesu chagedu ule ama ole.

¹⁶Kwian boke gwagedu kwian na kledu chage ule ama ole, agwa me chku uñale ama bokege chema kle chage ule, me sugedu amage Jesu amaña kledu chage ule ama ole.

¹⁷Jesu geru kadu amage: —¿Llema giti ba kle geru trage jonkare? ¿Mineade ba kle ta olire? Jesu geru kadu ene gire kwian boke e jagedunga gdate jonke, ama ta olire tanre,

¹⁸ama gdaite kada Cleofas jaindunga Jesu kalen: —Kwian ulitage uñale boidu mine una Jerusalénge chui jo tangle aige. ¿Agwa bage geru e me chku uñale boidu giti una Jerusalénge?

¹⁹Jesu geru kadu: —¿Boidu mine? Kwian jaindunga: —Cha kle gerule Jesu giti, Jesu una Nazaremu. Ama kwian Chube gerua ketanga dabage, Chube gwage kaire kwian gwage ama gerudu no ulita kiraske lle bo no ulita kiraske.

²⁰Kwian gerunga Chube ole daba alin chugagwalla ulita kaire che chugagwalla na ulita, ama ulita Jesu ketu gwadaleda kruge kwian jiskenga kare.