Lucas 4:6-17

⁶Minikagi si Satanas, “Inangen ta otaw lomowan diyà te kedita te otaw kidoen, aw begayan ta heman te kèpiya niyan, so siak se eg-awid te kedita niyan diyà te belad ko, aw mekebegay a kenyan diyà te pengkey sinu se pemellien ko.

⁷Aw simbahen a no, ibegay ko kamno se kedakel niyan.”

⁸Meneng minikagi si Jesus, “Eked a, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”

⁹Penga niyan, inibing i Satanas si Jesus doton diatas te dakel simbahan te Jerusalem. Minikagi si Satanas, “Nayan, aw ontò ka Batà te Timanem, kahang ka doton te tanà.

¹⁰Eked ka elegi, so doen kagi te Timanem insolat, ‘Isogò te Timanem se menge anghil amon meg-ipat dan kamno.’

¹¹Doen heman kagi te Timanem insolat, ‘Ewidan ka te menge anghil, aw engaten ka dan amon eked ka kesongkol te bato.’”

¹²Meneng timaba si Jesus, “Eked a, so doen kagi te Timanem insolat, ‘Ikà niyo egtandà te Timanem.’”

¹³Nayan, pegketaga-taga i Satanas te eked keboyo si Jesus aw wedad den doma iboyo din kandin, nesayo sikandin aw migtagad te doma aldaw.

¹⁴Ontò egbeyà-beyaan te Espiritu Santo si Jesus. Dimoton sikandin te probinsya te Galiliya, aw dimineg se kedita te otaw kidoen te dengeg din.

¹⁵Timeped sikandin te menge simbahan te Judiyo amon megtoladà, aw induyun sikandin te kedita te otaw.

¹⁶Penga niyan, minolì si Jesus doton te Nasarit. Yan se lonsod tinillesan din. Pegkesebado, dimoton sikandin te simbahan te Judiyo, so yan se ketanem din. Timindeg sikandin amon megbasa te kagi te Timanem.

¹⁷Imbegay dan diyà kandin se libro insolat te telekeliwat te kagi te Timanem gebii si Isaias. Migbeka sikandin kenyan aw migbasa te kagi seini,