Uluka 4:6-17

⁶Unu ubur ma gun me “Indi nyawe vat tigomo nan timum tigeme barki sa anyam, mi inda ke innya de sa ma wunan.

⁷Ingi wa tunguno wa nonzom indi nya we”.

⁸Yeso ma kabirka ma gun me “I ciki unu nyertike 'Udi tarsi ugomo Asere nan Asere awe memani udi nonzo me cas”.

⁹Abinime unu ubur ma ziki Yeso ma hanme Urushalima abi tenteri bu denge Asere ma gun me “Ingi vana Asere mani, hinna adizi.

¹⁰Iciki unu nyertike madi buki ibe ika dura ka Asere iburu we

¹¹nan, 'Wadi kpatika we in tari kati u vabbi ubuna anipoo”.

¹²Ukabirka me, Yeso ma gun me “A gu kati umansa ugomo Asere nan Asere awe ba”.

¹³Sa unu ubur me ma mara umanza u Yeso, ma cekime uhana uru ganiya.

¹⁴Yeso ma kuri Ugalili inni kara ni Bibe, abangame a Samirka vat ati kikira ta hirame.

¹⁵Ma tubi ubezizi a udenge unu gura anuu wa nonzo me vat.

¹⁶Ma ē Unazarat, nipin me sa acanti min ma ribe udenge unu gura unu wui Asabar ma hiri ma tonno ubassa ihori.

¹⁷Anyame anyimo u nyertike u Ishaya ma poki unyertikeme ma iri ahira me sa a guna,