Lucas 2:6-10

⁶Dalem pa te kidoen dan te Bitlihim, dimateng se aldaw te pegtebaw te batà din.

⁷Yan timebaw se penganay batà din meama. Linempingan din se batà, aw impeibat din diyà te kènanan te ayam-ayam kidoen te kelokob, so wedad keombaan dan doton te balay eg-ogpaan te mepanaw.

⁸Nayan, medapag te lonsod te Bitlihim, doen menge telediyaga migpolaw se egtonggò te menge ayam-ayam karniro doton te tanà doen sagbet.

⁹Pegketà migpekità se anghil insogò te Pengolo diyà kandan, aw doen minanyag diyà kandan lekat te Pengolo. Ontò dan nelemitan.

¹⁰Meneng minikagi se anghil, “Ikà niyo egkelemitan. Na, doen den ikegiyen ko diyà kenyo aw ontò ini mèpiya, so mekebegay te keluba diyà te kedita niyo.