LUCAS 23:5-12

⁵Per lel mazre rderëz men, re men: ―Noze rgoots men xtoo men-Judea por yra ne rneluu men. Galilea wzelo men, naaree naa le men che wlenza no nee.

⁶Ne won Pilato zenga, wnabdiiz Pilato lo men gan pe men-Galilea nak Jesus.

⁷Chene re men ne men-Galilea nak Ne, wxaal Pilato Ne lo Herodes ne nak rrey Galilea porke no Herodes ka Jerusalén cheguin.

⁸Or ne wii Herodes Ne, kesentyent wzhiilen men, porke che wakxche rlaan men kwii men Ne, porke won men ruu mén xdiiz Ne no rlaan men ne ylaa Ne te gyelmilaguer kwii men.

⁹Ndal ne wnabdiiz Herodes lo Ne, per bet wkedet Ne.

¹⁰Nga ke ndxin yra fxuz ne rnebééy lo yra fxuz no le yra maxter ley, axtegue rbë́zdet rkagyii men Ne.

¹¹Orguin wzelo Herodes yra Herodes xsoldad Herodes wlaa men Ne zegne rlaantee men, no por ne yzhidxno men Ne, wnegak men Ne te lër ne rak rrey. Zhich guin wxaal ke men Ne lo Pilato.

¹²Dxe guin wtsowxmig Pilato Herodes, porke rlayalsaa men chekwlodee.