Lucas 16:19-23

¹⁹“Doen otaw meyaman egpenaol te ontò meelagà, aw egpengaen te ontò mèpiya te kelikit te aldaw.

²⁰Doen heman otaw sagkep ngadan din si Lazaro. Nelegeb se lawa din te palì, aw gayed sikandin ipegpeibat kidoen te lowà te balay te otaw meyaman.

²¹Ibeg din peden komaen olò te momò lekat te lemisa te otaw sìyan meyaman. Gayed heman egdilaan te menge toyang se menge palì din.

²²Nayan, nematay se otaw sagkep, aw inibing sikandin te menge anghil doton te tangkil te kemonaan din si Abraham kidoen te langit. Penga niyan, nematay heman se otaw meyaman aw inlebeng.

²³Inibing sikandin doton te ogpeanan te otaw nematay, aw ontò sikandin ineleg kidoen. Limengag sikandin aw timengteng diyà ki Abraham ontò mediyò aw kidoen si Lazaro te tangkil din.