Lucangundru 24:7-43

⁷Ja jatana paraia: Tanali Kanaia Ngatamura kana madlentjia marani jinkinanto ja kunarkuni katibananto, ja ditjini parkulani Nau jiritjinanto.”

⁸Ja tanali jaura nunkani ngundrana wonti.

⁹Ja tana narikutundru karitjina tikana wonti ja jenia pratjana marapratjana ja kulnuni ja tanangu pratjanani kaukaubana wonti.

¹⁰Maria Magdalala ja Johanna ja Maria Jokobuni, ja tana widla palpa, tanangunto nganana wonti, tana jenia Apostelani jatana wonti.

¹¹Ja tanani kaukaubani jaura tanangu jaura baku jeribaka nganana wonti, ja tanali tanangu wata morlalu ngundrana wonti.

¹²Petrus terkakana wonti ja nari kutuja mindrina wonti; ja nulu matja buruna ngulukana, nulu windri kati paranani najina wonti; ja nau pungani tikana wonti ja pirna ngaru-parana wonti jendrangundruja, mina pantjina warai.

¹³Ja mai, mandru tanangundru nunkangupini ditjini ngura kulno wakaia wapana wonti, tala nunkani Emaus, nau Jerusalemingundru 60 Statia worita nganana wonti.

¹⁴Ja pudla ngankamalina wonti jenia pratjanancta mina pantjina warai.

¹⁵Ja jendranguta pudla ngankamalinani ja jakalkijiri bamalinani, bakana Jesus munta karakara wokarana wony ja pudlangunto wapana wonti.

¹⁶Pudlani milki njurlunjurlurina wonti nina wata ngujamala.

¹⁷Nau pudlangu jatana wonti: “Mina jaura judla ngai kamaliai paltuni, ja minandru judla ngaurongauro nganai?”

¹⁸Kulnujeli, tala nunkani Kleophas, kalabana wonti ja nunkangu jatana wonti: “Jidni kulnulu tidnapalara Jerusalemingu nganai, nulupini wata n gar ana warai, mina naka tanangupini ditjini matja pantjina?”

¹⁹Ja Nau pudlangu jatana wonti: “Mina?” Pudla nunkangu jatana wonti: “Jenia Jesus Nazarenalandru, Naupinj Propheta talku nganana wonti, ngankanali ja jaurali nguru-nguru Grodani ja kana wolarani.

²⁰Ja worderu Priesta pirnali ja kana kaparali ngaia-ninali nina naria ngulkujeli jinkila wiri, ja nina kunarkuni katibala wiri,

²¹Ngaiani kalkanala, Nulu Israel kulkananto. Ja karari ditji parkulu nganai, jenia pratjana pantjila wiri.

²²Ja bakana widla palpali ngaianingundru ngaianina ngaruparibana warai, tana nguramarani nariwonpani wokarana warai.

²³Ja tanali palku nunkani wata mankamankana warai ja tikana warai ja jatana warai, tanali angela mudla matja najina, tana jatai, Nau tepi nganai.

²⁴Ja palpa ngaianingundru narikutuni wokarana warai, ja jeruja mankamankana warai, worderu widla likaukaubana warai; windri nina tanali wata najina warai.”

²⁵Ja Nau pudlangu jatana wonti: “Judla kana pati-pati ja ngara ngurunguru jenia pratjana morlalu ngundrala, mina Prophetali kaukaubana wonti.

²⁶Wata jenia Christum ketjaketjananto ja pirnalani nunkanani wirinanto?”

²⁷Ja Nulu wonina wonti pudlangu Mosingundru ja Propheta pratjanandru jenia mildiri ngankala, mina tanali jaurani tananani pratjanani jatana wonti.

²⁸Ja tana nunkangupini nguraia karakara wokarana wonti wodajeri pudla wapananto; ja Nulu malka wondrana wonti Nau wiringananto.

²⁹Ja pudlali nina parparali ngankana wonti ja jatana wonti: “Ngalingu ngamamai, ngangau matja kalkaurariai ja panila.” Ja Nau wirina wonti pudlangu jela ngamala.

³⁰Ja jendranguta Nau pudlangunto matja ngamana ngarina Nulu buka patana wonti ja nina ngurungutana wonti ja wokaribana wonti ja pudlangu jinkina wonti.

³¹Pudla milki piririna wonti, ja pudlali nina ngujamana Wonti; ja Nau pudlangundru kutingana wonti.

³²Ja pudla ngankamalina wonti: “Wata ngaldra ngara jerkina warai, worderu Nulu paltuni ngaldrangu kaukaubana warai ja worderu Nulu ngaldrangu jaura worana mildiri ngankana warai?”

³³Ja pudla nunkangupini ditjini jiritjina wonti ja Jerusalemia tikana karitjina wonti; ja pudlali marapratjana ja kulno ja tanana tanangunto matja jurborina, mankamankana wonti.

³⁴Ja tana jatana wonti: “Kapara morlalu jintjma warai h Simoningu wondraterina warai!”

³⁵Ja pudlali kaukaubana wonti mina paltuni matja pantjina, ja worderu pudlali nina ngujamana warai buka wokari-banani.

³⁶Tana jenia kaukaubijiribamalinani Jesus munta tanangu terti terkana wonti ja tanangu jatana wonti: “Murla jurangunto nganaiatimai!”

³⁷Tana ngarrana wonti ja japali pirna pantjina wonti, ja tanali ngundrana wonti, tanali jaola najiai.

³⁸Ja Nau tanangu jatana wonti: “Minandru jura japali pirna nganai; ja minandru ngarali juranali mangangankana jiritjiai?

³⁹Ngana mara ja ngana tidna najianau, ngani munta Nauja nganai; ngana karakaranau ja najianau, ngangau jaolali wata palku ja moku ngamalkai, worderu jura najiai ngato ngamalkanani.”

⁴⁰Ja Nau jenia matja jatana, Nau mara ja tidna tanangu wondraterina wonti.

⁴¹Ngangau tanali mankinandru wata morlalu ngundrana wonti ja ngaruparana wonti, Nau tanangu jatana wonti: “Jura ninkida palpa ngamalkai tajinanto?”

⁴²Tanali nunkangu paru burn kulno, matja wajina, ja pitjambu jinkina wonti,

⁴³Ja Nulu nina patana wonti ja tanangu milkini tajina wonti.