Lucangundru 22:43-49

⁴³Angela kulno pariwilpandru nunkangu wondraterina wonti nina ngurunguru ngankala.

⁴⁴Ja Nau naritirimalini wirinani, Nau morla parparali ngatjina wonti; ja kangu nunkani kumari jeribaka ngakana wonti.

⁴⁵Ja Nau ngatjinandru matja terkana tarana, Nau milini nunkanani wokarana wonti, ja Nulu tanana ngaurongaurojeli mukaturaranani mankamankana wonti,

⁴⁶Ja tanangu jatana wonti: “Minandru jura mukaturarai? Terkakanau ja ngatjianau, jura wontjanilani wiriati.”

⁴⁷Nau jenia jatanani, mai, kana wolara, ja Judas marapratjana ja mandrundru kulno, tanangu ngopera wapana wonti, ja Jesungu karakararina wonti nina manatapala.

⁴⁸Jesus nunkangu jatana wonti: “Judajai, manatapanali jundru Kanaia Ngatamura wontawontai?”

⁴⁹Tanali nunkangunto matja najina, mina pantjiati, tana nunkangu jatana wonti: “Kaparajai, ngaiani mardakirrali nandrananto?”