43जमाहेन्से स्वर्गग्याम स्वर्गदूत गिक खसी येशूदा दुख नाखम्बा भङ पिन्जी।
44थे धुइरी येशूदा ल्हानान दुख तबासे लमा थेसे झन प्रार्थना लजी। थे धुइरी थेला टू काला धारा ह्रङ् लसी सरी ताइबान मुबा।
45प्रार्थना लसी ह्राङला चेलागदे मुबा ग्लारी फेप्खमा येशूसे थेनीगदे दुखसे लमा लारकलुरूक तसी म्हेर्सी चिबा स्याप्जी।
46जमाहेन्से येशूसे थेनीगदेदा “तिग्दा एनीगदे म्हेर्सी चिबा? रेःगो, पापरी फसब आतबाला लागिरी एनीगदेसे प्रार्थना लउ” भिसी सुङ्जी।
47येशूसे चु ताम सुङ्बान लबा धुइरी थेरी म्हिला हुल गिक खजी। थे म्हिला हुलला ङाच्छा ङाच्छा च्युक न्ही चेलागदे न्हङला यहूदा भिबा चेला खजी। येशूदा च्योक लबाला लागिरी थे येशूला ङामरी खजी।
48तर येशूसे थेदा “यहूदा, तिग एसे परमेश्वरसे पुइखबा म्हिदा च्योक लसी फसब लबारी म्हाइबा?” भिसी सुङ्जी।
49जमाहेन्से येशूला ङामरी मुबा चेलागदेसे थेरी तबारी छ्याइबा ताम था याङ्सी येशूदा “प्रभु, ङन्से तरवार चलब लउ?” भिसी,