Text copied!
BREAK EVERY YOKE
CopyCompare
Ritonõpo Omiry
- Ruka
- Ruka 22

Ruka 22:43-49

Help us?
Click on verse(s) to share them!
43Mame Ritonõpo nenyokyhpyry kapu ae tyhtose Jezu jamihtanohtohme.
44Morarame samũ tykase Jezu tukurohtao. Yronymyrymehxo tõturuse Ritonõpo a ynororo. Munume tonãkutase ynororo toemynyhmaryke. Pitah tykase enãkuru nono pona.
45Mame tõturukehxĩpo, towõse ropa ynororo xikihme. Typoetory tomo a toytose ynororo. Nyhnõko toh kynexine toemynyhmarykõke.
46Ynara tykase ynororo eya xine, —Oty katohme nyhnõko matou? Apakatoko ropa sahxo ty! Oturutoko roropa Ritonõpo a, oorypyrykõ poko pyra oehtohkõme, tykase Jezu eya xine.
47Morarame autururuhtao ro, tuhkãkõ tooehse morotona. Juta tooehse esemazupurukõme Jezu enepotohme eya xine. 12mãkõ maronõpo Juta kynexine. Mame Jezu a toytose ynororo eahmase repe.
48Yrome ynara tykase Jezu eya, —Juta, Ritonõpo nymenekahpyryme ase. Oty katoh jeahmãko mah jewokatohme rokene? Yzehnotokomo a jenepotohme rokẽ mase, tykase. Onezuhpyra Juta toehse.
49Morarame tosẽkõ apoiry waro toehse tahtao xine ynara tykase Jezu a ipoetory tomo, —Moxiã akohnõko ynanah? tykase toto.

Read Ruka 22Ruka 22
Compare Ruka 22:43-49Ruka 22:43-49


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!