Leviticus 6:25-30

²⁵he egkeǥiyan si Aaron wey sikan is menge anak din he maama kayi he menge sulunuzen: Is pemuhat he para idlumpiyu, kinahanglan he edlepaan diyà te etuvangan te Nengazen diyà te lugar he lepeey te pemuhat he edtutungen. Is pemuhat he para idlumpiyu, utew heini segradu he pemuhat.

²⁶Is memumuhat he ebpemuhat kayi, kinahanglan he megkaan kayi ziyà te lama te Tulda he Edtelevukaayan, kes segradu he lugar.

²⁷Is minsan hentei he ebpekesamsam kayi egkeipiktuwan te kegkesegradu kayi. Ne is bisti he egkepesikan te lengesa kayi he pemuhat kinahanglan he ebpìpian diyà te segradu he lugar zuen te Tulda.

²⁸Kinahanglan he edtevien is diniyun he edhilutuan keniyan he pemuhat. Piru emun diyà heini hilutua te kuzen, kinahanglan he egkeǥisan heini he kuzen ne edlùluan te wahig.

²⁹Egkehimu he egkaan kayi he pemuhat is langun he maama ziyà te pemilya te menge memumuhat. Utew heini segradu he pemuhat.

³⁰Piru emun ed-uwiten is lengesa kayi he pemuhat diyà te Segradu he Lugar zuen te seled te Tulda, su wey mepesaylu is salà te sevaha he etew, ne kenà egkeenen heini he pemuhat, kekenà, edtutungen.