Leviticus 27:32-34

³²Emun ebilang kew te vaka niw, kerehidu niw, etawa kambing niw, is ikesepulù kayi iveǥey niw ziyà te Nengazen.

³³Kinahanglan he kenè niw heini pilia etawa liwai. Emun edliwaan niw heini, ne haazà is uyaǥen he edliwaan niw wey haazà is idliwè niw, ne pudu egkehimu he ǥaked te Nengazen ne kenè en heini egkehimu he edhewien.

³⁴Iyan heeyan menge suǥù he imbeǥey te Nengazen ki Moises diyà te Buntud he Sinai he para te menge Israilihanen.