Leviticus 20:18-25

¹⁸Emun is maama ebpekidhilavet te vahi he midlengesahan, ne nemineg haazà is bahi, ne kenè niw en sikandan isipa is dezuwa he zuma niw.

¹⁹Emun is maama ebpekidhilavet te ayè din, mibpeel-elezan din haazà is ayè din. Ne sikandan is dezuwa ne zuen dan televaken dutun te mibeelan dan.

²⁰Emun is maama ebpekidhilavet te esawa te anggam din, mibpeel-elezan din is anggam din. Sikandan is dezuwa ne zuen dan televaken, ne ebpatey zà sikandan he wazè dan anak.

²¹Emun is maama ebpengesawa te esawa te suled din he uuyag pa, mibpeel-elezan din is suled din. Ne ǥeina te meremerik is mibeelan dan, ne tekew en sikandan ebpatey he wazè dan anak.

²²Tumana niw is langun he menge sulunuzen he ibpesunud ku wey is menge suǥù ku su wey ku sikiyu kenà ipaawà diyà te tanà he ed-uwitan ku keniyu he egkeubpaan niw.

²³Is menge etew he ibpaawè ku zutun he tanà iyan mibaal keniyan he kelelalung, ne tenged kayi igkelimezangi ku sikandan. Umbe kenè niw iringi is ebeelan dan.

²⁴Ne sumalà te nekaǥi ku keniyu egkaangken niw is tanè dan. Ibeǥey ku keniyu heini is meupiya wey selebpeten he tanà su wey niw maangken. Iyan a kes Nengazen he Megbevayè niw he midhimu keniyu he segradu puun te zuma he menge etew.

²⁵Kinahanglan he egketuenan niw ke hengkey is lumpiyu wey meremerik he menge langgam ragkes en is menge tagbis. Kenè niw remeriki is keugelingen niw pinaaǥi te kegkaan te meremerik he menge langgam. Ne sumalà te migkaǥi ku keniyu, isipa niw heini he meremerik,