Leviticus 18:15-20

¹⁵Kenè ka mebpekidhilavet te ambey nu su esawa sikandin te anak nu.

¹⁶Kenè ka mebpekidhilavet te ipag nu su ebpekeveǥey heini te keelezan te suled nu.

¹⁷Kenè ka mebpekidhilavet te anak etawa apù he vahi te vahi he mibpekidhilavet ka kandin dutun te nehuna he timpu, su kela ke anak nu etawa apù nu haazà, ne mahawag heeyan he vaal.

¹⁸Kenè nu esewaa is ipag nu zutun te uuyag pa is esawa nu.

¹⁹Kenè ka mebpekidhilavet te vahi he edlengesahan su meremerik sikandin.

²⁰Kenè ka mebpekidhilavet te esawa te zuma, su emun ebeelan nu heini ed-isipen ka he meremerik.