Kawandila 4:11-16

¹¹Na maniyaxi mixi firin nan na, naxee saxi e boore fɛ ma xinbeli tɛmui, e nu wuyenyi sɔtɔ e boore saabui ra. Kɔnɔ mixi naxan na a kerenyi ma, na xinbeli bama di?

¹²Mixi ɲaaxi nɔma nɛ mixi keren na, kɔnɔ mixi firin tan tima nɛ a kanke. Luuti xɔri saxan malanxi mu bolonma mafuren.

¹³Misikiinɛ xa di naxan xaxili fan, a sɛnbɛ gbo mangɛ bɛ naxan mu fata marasi fanyi nun a ɲaaxi tagi rasade.

¹⁴Na mixi mɔɔli nɔma minide geeli kui, a findi mangɛ ra. A barixi setareɲa nan kui, a fa mangɛya sɔtɔ.

¹⁵Duniɲa mixi birin saxanyi nan nabama, i na dangi mixi gbɛtɛ fa ti i ɲɔxɔɛ ra.

¹⁶Mixi wuyaxi dangixi nɛ beenun na kanyi xa bari. Mixi naxee fama a xanbi ra, a xa fe mu fama rafande e ma. Na fan findixi fe fufafu nan na, alɔ mixi naxan birafe foye fɔxɔ ra.