Katuma 2:12-22

¹²Vat uwe biyau ba mekibwe, wa gusi acece nyanini ya zige me.

¹³Aye wa wuzi ni basa wa gu,” wa sa ubere uni.

¹⁴Bitrus ma hiri ma tunno anu ukirau unu inde, ma nyeze ni myira, magu we,” Anu yahudiya nan a de sa wa ra a Urushalima, rusani imum igeme, rikani titui a tize tum.

¹⁵Ana geme dawa sa ubere ba kasi u hira ushi me.

¹⁶Imum be sa Yowel ma gu.

¹⁷Asere a gu, indi wuu bi be bi riri a nyimo anabu vat, ahana wan na ruma vat wadi buu tize tum, i nyani i shi me wadi iri imumu i ge sa wa mu ira ba, Cukoro wadi wuzi ti ro.

¹⁸A tiye ti geme indi wu we bi be biriri wadi buu imum sa i eze aje aru.

¹⁹Indi bezi we imum idandang ya sesere wani ige sa ira adizi, maye, urah, matum wan mu cingo.

²⁰Zuwui udi gamirka ucukuno Maree, Upeh uhana Maye, Uwui Ogomo Asere uku eh, uwui udang u gino me.

²¹Abine ani koda avi madi wuzi biringara anyimo aniza na Asere unu bura uru.

²²Anu Isaraila, kuna ni, Yesu unu Unazarat, de sa Asere a nya shi barki uhem ume, ahira imum idang wan imum i busa itize sa ma wuzi anyimo a shi me, kasi urusa ushi me.