Kaloshans 2:6-8

⁶Wal yumob bin bilib langa Jisas Krais, en yumob bin larram im jidan Bos langa yumob laif. En yumob garra kipgon jidanbat garram im,

⁷en yumob garra meigim miselp strongbala langa im jis laiga strongwan tri weya det rutpat godan longwei insaid langa graun. En yumob garra meigim miselp strongbala jis laiga strongwan haus weya dei bildimap langa strongbala graun. Lagijat na yumob garra bilib strongbalawei jis laik melabat bin lenimbat yumob blanga bilib, en yumob garra oldei gibit theingks langa God.

⁸Wal yumob garra oldei wotjimbat miselp en nomo larram enibodi deigidawei yumob garram olkain wed weya kamat brom pipul. Yumob nomo wandi larram enibodi meigim yumob jidan laiga prisana blanga im, dumaji detkain wed weya im tok im laiyawan wed weya pipul oldei jinggabat, en im kamat brom ola nogudbala boswan spirit langa dijan wel.