Kolosi 2:6-8

⁶Are ratmat ga amila ra Karisito Iesu ga betong Ila Kakani ming. Are ratmat ga parepming ira a Karisito ga amiuluan tavuk ang.

⁷Ga dusming maranit gare igulup o kuguom la mime maiario maranit kimanam ga dusieng maranit kuguom are luguan la dusong maranit nakap abuo labinama. Ga naganming maranit iro bais ula mumuru la misingpala o, ga man mivang temaieng me aun Morowa ma mirier lap ganam me pagap ganam la ualam miun.

⁸Tie, maset temamalienming. Ebun miaramo teip ties ba agarit ga mivanameng o ties o kakarabunim la namo meba naganming iro ga omiuluan. Teip are ro la mime ameuluan tavuk maiang eap ga agat maiong muranap ga agat it maiong inamaniap onim na uro kimanam. Pa tale mime omeuluan ties ang Karisito. Karuk.