Kolosi 2:6-8

⁶Na vunegna ighamu koti hatia ghohi a Jisas Krais kori havimiu eigna keda nimiu na vunaghi, oti leghua na hava ke magnahaghinighamu kotida eia.

⁷Oti sokara ngasi kori nimiu na vaututuni tagna a Krais, vaghagna na ghai ke horu na oghagna kori thepa. Moti vaheta nimiu na vaututuni tadia na komi fata gougovu kena velepuhighamu eigna a Krais, moti veletokea a God eigna na komi fata ke eia vanighamu.

⁸Oti saghoi lubatira mara na velepuhi piapilau gi kedana pilaunighamu eigna kotida vaututunia nidia na komi velepuhi. Na rorongogna nidia na komi velepuhi ke toke puala, kari e boi tutuni me boi tangomana na hatheghamugna. Nidia na velepuhi, na komi vetulagna na maramagna iaani vamua ke au mai kori ghaghanadia na komi tinoni me boi mai tagna a Krais.