Kàdduy Waare 6:1-6

¹Aw tiis a ngi wu ma gis fi kaw suuf, di tiis wu diis doom aadama:

²Nit ku Yàlla may alal, koom ak daraja, te mboolem lu mu namm, ñàkku ca lenn, waaye Yàlla mayu ko mu tal caa lekk, xanaa jaambur di ko xéewloo — loolu cóolóoli neen la, di naqar wu tar.

³Ku giir téeméeri doom, dund ati at, ak lu at ya bare bare, su bégewul teraanga ja mu am te amul njégu bàmmeelam sax, kooku lumb wu tuuroo ko tane.

⁴Lumb wa ñëw na moos ci neen, bàddoo lëndëm, turam sàngoo lëndëm.

⁵Gisul jant, xamu ko, waaye noflaay moo ko ëpple mag ma,

⁶bu dundoon junniy junniy at sax te amul jàmm. Xanaa du benn bérab la ñépp jëm?