Kàdduy Waare 11:3-9

³Xàmbaar bu duyee, ba fees, fi kaw suuf lay soob. Garab, bu daanoo ndijoor mbaa càmmoñ, fa mu daanu lay des.

⁴Kuy déglu ngelaw, doo ji, kuy seetluy niir, doo góob.

⁵Xamoo yoonu ngelaw, xamoo nu doom di sosoo ci ndeyam; kon manoo xam lu Yàllay def, moom miy def lépp.

⁶Xëyal, ji sa jiwu, gont, baña tàyyi; muy lii di lee, xamoo lu ciy nangu, am ñaar ñépp ay bokk baax.

⁷Leer neex na, gis jant neex na.

⁸Ak lu say at bare bare, bégeel at mu ci nekk, waaye bàyyil xel lëndëmu bàmmeel, lu yàgg lay doon, te liy ñëw lépp, cóolóoli neen.

⁹Xalelu góor bi, bànneexul bi ngay gone, bégalal sa xol bi ngay ndaw. Toppal loo namm ak loo xemmem, waaye xamal ne loolu lépp, Yàlla da la koy laaj.