3 Xàmbaar bu duyee, ba fees, fi kaw suuf lay soob. Garab, bu daanoo ndijoor mbaa càmmoñ, fa mu daanu lay des.
4 Kuy déglu ngelaw, doo ji, kuy seetluy niir, doo góob.
5 Xamoo yoonu ngelaw, xamoo nu doom di sosoo ci ndeyam; kon manoo xam lu Yàllay def, moom miy def lépp.
6 Xëyal, ji sa jiwu, gont, baña tàyyi; muy lii di lee, xamoo lu ciy nangu, am ñaar ñépp ay bokk baax.
7 Leer neex na, gis jant neex na.
8 Ak lu say at bare bare, bégeel at mu ci nekk, waaye bàyyil xel lëndëmu bàmmeel, lu yàgg lay doon, te liy ñëw lépp, cóolóoli neen.
9 Xalelu góor bi, bànneexul bi ngay gone, bégalal sa xol bi ngay ndaw. Toppal loo namm ak loo xemmem, waaye xamal ne loolu lépp, Yàlla da la koy laaj.
