7Ku jub, di jëfeg mat, doom ju la wuutu bég na.
8Su buur toogee di àtte, day gis, di ràññee mboolem ayib.
9Ana ku man ne fóot na xolam, ba tàggook bàkkaar?
10Nattu diisaay yu yemul ak lu ni mel, Aji Sax ji bañ na ko.
11Gone sax day jëf, nga gis jikkoom; bu naree dëggu te jub, nga xam.
12Nopp buy dégg ak bët buy gis, Aji Sax jee sàkk lu ci nekk.
13Bul bëggi nelaw, ba ñàkk dab la; boo njaxlafee, lekk ba desal.
14Kuy waxaalee ngi naan: «Baaxul de!» Bu nee wërëñ, di damu naan: «Aka jar!»
15Wurus am na ak gànjar yu bare, waaye kàdduy xam-xam a gën per yu jafe.
Kàddu yu Xelu 20
Kàddu yu Xelu 20:7-15