Bugagia Bidibo Kolesagade Po Asęai Buku 20:7-15

⁷Te doloba pai bidigo te dwai sę me deli isiąyu, bididu dao. Tama tibaso, aga wai dabe nosali bugagia bidaibao.

⁸Te king po tų odainu dugulalubo sogo, agai te po tųba asobo bidi dabego kolesaga te bugagia dagala subo dao.

⁹Dego te tama po weyu, “Eno te ena digi te magi dwai sę me isiąwai mu, te ena wiegi yai mu te God geduba pedalu, tama megi eno te dwai sę me deli ebeo,” po obaso, te usu egowe? Bidi meni.

¹⁰Te augwaligo abelainu ebo doado bage dagalobo sogo te bidigo te we bidi dabe tibo po ola maiabo homu ebaso da, teda Genuai Bidigo te kolesaga hagela homu eyu, sębę mu ebo dao.

¹¹Dago te bidigo kolesaga sulama konebo dao, aga te wiegi yai doloba pai bidi, ma aga te dwai bidi, te kolesagade konebo dao. Tama te tobage kolesaga delide naga, dago me te wai dabego kolesaga me sulama konebo dao.

¹²Genuai Bidigo dago te tonabo gedu dabolo mawai, tama dago ologo te po dabe odomainu yai.

¹³Te nage sesemane sogo godege pibo gedu magane idubaso da, te nage mone menia selama, tama nage magi doado bage meni yai bidi pedelaibao. Tiali goli, nage hogodama, sę ebaso da, te nago nai hauwa elaluaibao.

¹⁴Te bidigo nai me deli abelainu ebo sogo, agai te abelainu ebo naigo mone ugwadu elalubaso, te nai page bidi dali homu bega sabo po hauwa waibao. Tiali goli, agai te nai abela selama da, agai te aga abagi dabeba wagi peyu, te mone aiyaba mu dulali po wagi paibao.

¹⁵Te bidigo pogo te wiegi yai homu kolesaga te we bidi dabeba mobaso da, te nai mu da, tama te gol aiyaba elaluama, tama te gasagi yai tedali sawi yai masigi dabe te aiyaba mu elaluaibao.