Soakas 20:7-15

⁷Insewowo tulik su papa tumalos oru ma pwaye ac suwohs.

⁸Sie tokosra su muta ke nien nununku, el ac ku in akilen ma koluk ke el liye.

⁹Ya oasr sie mwet ku in fahk na pwaye lah nasnas insial ac wanginla ma koluk lal?

¹⁰LEUM GOD El srunga mwe paun kikiap ac mwe srikasrak sesuwos.

¹¹Finne tulik srisrik se, ac kalem ouiyal ke ma el oru; kom ku in akilen lah el suwohs ac wo.

¹²LEUM GOD El ase mutasr tuh kut in liye, ac sracsr tuh kut in lohng.

¹³Kom fin sisla pacl lom in motul, kom ac sukasrup. Oru kom in kafofo, na ac fah oasr sunun mwe mongo nom.

¹⁴Mwet moul ke iwen kuka uh torkaskas pacl nukewa mu yokla molin mwe kuka uh, a ke el som el konkin mu srik molin ma el moli uh.

¹⁵Kas lalmwetmet uh yohk sripa liki gold ac mwe yun saok.