Juan 4:30-37

³⁰jatun mae anua dasibi Jesús anu bei natsekebidani taeaibun

³¹ja jaskaibun nun jawen tsumabun Jesús yuikin: —Yusinaan, nun mia piti bixuntanxudan, menan pidiwe— nun akanwan

³²—Piti betsa man unandiama en jayaki— nuku wa

³³yuinamei: —Janixun juni betsan piti bexun ¿pima ikimenkain?— nun ikaya

³⁴Jesúsun nuku ana yuikin: —Jatun ea yununitun shinan en jayawen taea jawen daya keyui en kushipamiski, yani wa keskaidan

³⁵—iwanan, ana nuku yuikin: —Matun bai man banashina uinkin yuikin: “Ana uxe dabe inun dabe ka bimi jushian nun tsekaxanaii”, iwanan, man shinanbiaya ana matu yusinun ninkakanwen. Diosun bai kaiskin uinkanwen. Ma janu ikunwainbu ichawati peki.

³⁶Tsuabunda jatu ichawakin jawen manakuti pepa bikanikiki, jatun jiwea ikibi ika bikinan. Jaskaken tsuabunda miban bana bimi jushiain jatu tseka keska waibudan, jabudi benimakanikiki.

³⁷Jaska inun, juni betsan banaima juni betsadi juxun tsekamiski, iwanan, nun yuimisdan, chanima janchaki.