Jon 4:30-37

³⁰Meve mu gwetoimu apa dauwag me gumbe onamiya.

³¹Dividivi mame pawaivi kumiwa apa, aigowawa me ayag waya, “Rabai, divi da nave.”

³²Megara me mu gumbo wane, “Nakwai da ye den yaug anoyanawa me ne gunap.”

³³Meve aigowawa gae garawa ano aya, “Bira da nakwai meuma tam uwane?”

³⁴Me mu gumbo wane, “Ne nakwai neuma me ne baraunedne onednawa me anoiviwa atna sira me nau meumawa oieba watpukiyatna onanape.

³⁵Ye aib vene, go onan? ‘Dud 4 wakeya, meve maura kumiwa uwape.’ Ne ye diruitna. Yangewa meram nau wan yauya! Mu wait kweraimusia maura oya.

³⁶Maura enivi abnawa me garawa meumawa wait amatog avivi, sira inaiinai yaibobot oya natawa agoniyaivi. Kuiyawa yawa veriviwa ge maura eniviwa maun degadega atan oya.

³⁷Meib, gae me natawa, ‘Da me yawa verivi sira dawa me agoniyaivi.’