John 4:30-37

³⁰Na vure tara sania na komu mara va righia Jesus.

³¹Tana bona keri na lei vaovarongo tara kurutia Jesus, “Tarai, ko mai vanga ghua.”

³²Ma gaia te bosa vanira, “Inau tu lologho ghagua vanga so tau mua ghilala ighau.”

³³Mana lei vaovarongo tara huatira heghedira mara ghaghua, “?Vaghi so siki tinoni te mai kutia?”

³⁴Ma Jesus te bosa vanira, “Na ghagua na vanga ke na taoniana na liona God, ahei te niu vetena, mu ku sokoa na lutu te vaheu ge ku lutua.

³⁵Au bosa ke, ‘E vati mua na vula iga me ke sara na ghegheli.’ Hauva mu bosa vanighau ge kau vaevane utoi na lei leghai. Na vanga itaeni te mena ni gheliani tua!

³⁶Na tinoni te ghegheli tara pelu utora, mana hava te ghelia ke, gaira na lei tinoni tara hola haghera mai tana vola kasila. Keri ge na tinoni te subasuba mana tinoni keha te ghegheli koro togotogo kolu.

³⁷Na bosa eni te utuni, ‘Sakai na tinoni te subasuba, ma sakai na keha te ghegheli.’