JOSUA 21:17-41

¹⁷Erâ ʒuhuckerâ Benjamiŋ guru jaŋeraonec wâc lama bulimakaofâc‐jeŋic râec‐jopaniŋte mâreŋ‐jeŋichec hae jahec â jahec ʒiŋuc rombiŋ: Gibeoŋ, Geba,

¹⁸Anatoti â Alimoŋ.

¹⁹Hae 13 i lama bulimakaofâc‐jeŋic râec‐jopaniŋte mâreŋhec mâmâc Aroŋte ɋâricfâc taha bapa jumbiŋ jaŋe jarembiŋ.

²⁰Lewire guruonec Kohatire dâkâne garikiŋ‐jeŋic sâc Eferaimte guruonec hae gâcne jarembiŋ.

²¹Eme hae ʒiŋuc i rârec‐joparâ lama bulimakaofâc‐jeŋic râec‐jopaniŋte mâreŋhec mâmâc jarembiŋ: Eferaim tiki mâreŋko ine Sikem, ŋeŋezic hae moc, erâ Geʒerâ,

²²Kibizaim â Bete‐Horoŋ. Hae kâcɋene jahec â jahec i hâcne.

²³Eme Daŋte guruonec iŋuc jaha hae â rârec‐jopahuc mâreŋ forawec i lama bulimakaofâc‐jeŋic râec‐jopaniŋte mâmâc jarembiŋ. Jaŋere ʒâŋe ine ʒiŋuc: Eliteke, Gibetoŋ,

²⁴Ajaloŋ â Gate‐Rimoŋ. Hae kâcɋene jahec â jahec i hâcne.

²⁵Eme Manasere guru dâkâne jaŋeraonec ine hae jajahec â hae rârec‐jofahuc mâreŋ forawec i lama bulimakaofâc‐jeŋic râec‐jopaniŋte mâmâc jarembiŋ ine ʒiŋuc: Tanaki â Gate‐Rimoŋ.

²⁶Kohatire guru dâkâne, garikiŋ‐jeŋic sâc lama bulimakaofâc‐jeŋic râec‐jopaniŋte mâreŋhec mâmâc ropie hae 10 ewec.

²⁷Eme Lewire garikiŋ guru jaŋeraonec moc Geresoŋte guru jaŋe Manasere guru dâkâne jaŋeraonec hae jajahec â rârec‐jofahuc mâreŋ forawec i lama bulimakaofâc‐jeŋic râec‐jopaniŋte jarembiŋ ine ʒiŋuc: Golaŋ, i ŋeŋezic hae moc, Basaŋ mâreŋko ŋewec, erâ Besi‐Tara.

²⁸Eme Isasare guru jaŋeraonec ine hae jahec â jahec erâ rârec‐jopahuc mâreŋ forawec i lama bulimakaofâc‐jeŋic râec‐jopaniŋte mâmâc jarembiŋ ine ʒiŋuc: Kisioŋ, Daberata,

²⁹Jaramuti â Eŋ‐Ganim.

³⁰Eme Asere guru jaŋeraonec hae jahec â jahec erâ rârec‐jopahuc mâreŋ forawec i lama bulimakao râec‐jopaniŋte mâmâc rombiŋ ine ʒiŋuc: Misali, Abadoŋ,

³¹Helikata â Rehobo.

³²Eme Naftalire guru jaŋeraonec hae jahec â moc â rârec‐jopahuc mâreŋ forawec i lama bulimakao râec‐jopaniŋte mâmâc rombiŋ ine ʒiŋuc: Kedesi, ŋeŋezic hae moc, i Galilaia mâreŋko ŋewec, erâ Hamo‐Doro â Karetaŋ.

³³Geresoŋte guru, garikiŋ‐jeŋic sâc jaŋe hae 13, â rârec‐jopahuc mâreŋ forawec i lama bulimakao râec‐jopaniŋte jarembiŋ hâcne.

³⁴Lewire guru nâfocne Merarire garikiŋ guru jaŋe Sebuloŋte guru jaŋeraonec hae jahec â jahec erâ rârec‐jopahuc mâreŋ sasawa i lama bulimakaofâc‐jeŋic râec‐jopaniŋte mâmâc jarembiŋ ine ʒiŋuc: Jokeneam, Kareta,

³⁵Dimina â Nahalali.

³⁶Â Rubeŋte guru jaŋeraonec ine hae jahec â jahec erâ rârec‐jopahuc mâreŋ forawec i lama bulimakaofâc‐jeŋic râec‐jopaniŋte mâmâc jarembiŋ ine ʒiŋuc: Bezere, Jahazi,

³⁷Kedemoti â Mefata.

³⁸Â Gadere guru jaŋeraonec hae jahec â jahec erâ rârec‐jopahuc mâreŋ forawec i lama bulimakaofâc‐jeŋic râec‐jopaniŋte mâmâc jarembiŋ ine ʒiŋuc: Ramoti, ŋeŋezic hae moc, i Gileade mâreŋko ŋewec erâ Mahanaim,

³⁹Hesiboŋ â Jazere.

⁴⁰Lewire guru dâkâne Merarire guru hâcne jaŋe garikiŋ‐jeŋic sâc hae 12 jarepie tarawec.

⁴¹Israe ŋic guru gâcnezi mâreŋ ro rauc embiŋ jaŋere ŋondeŋko Lewire guru jaŋe lama bulimakaofâc‐jeŋic râec‐jopaniŋte hae â rârec‐jopahuc mâreŋ forawec i rokupie 48 ewec.