Jon 17:9-12

⁹“Jo asolom oro, jo basolom ta iri lau marakon badu kon munyak bwe. Jo asolom toro le lau mene ou atehei oro ame are bahandra tondrok tek, tasah oro lau tam.

¹⁰Oro lau tek, oro lau tam; oro tam, oro tek ale. Iri lau atou oro lau tek nane, ma iri anyolom lomadak handru udu toro.

¹¹Eme na len dah kameh jo anya kewek hawem ai. Jo winiyan bado kon munyak ja bwai, arile oro kameh are ndra kon munyak areu. Tama, ou ndrabun labai! Ou tondrokei oro kudu mwasin bahandra boto-on ta nyaram, nyaram mene ou tondrohon jo. Ma idah kameh oro asahan ari, i buku le talu.

¹²Len jo udu ndra hawe oro, jo atondrok oro udu mwasin labai, are bahandra boto-on ta nyaram, ou mene tondrohon jo. Jo turuki oro na aliy, eme oro mari are mwasin. Iy ari le toro kameh amai iu mara-ei. Idah kameh iri sahou marakon udu bolo buk ndrabun asahan eme lewan handru.