9ᤂᤧᤱᤜᤠ᤹ᤖᤧ ᤗᤠᤃᤡ ᤀᤡᤱᤃᤠ᤹ ᤋᤢᤘᤠ ᤆᤥ᤺ᤰᤁᤠ. ᤁᤖ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤏᤠᤜᤠ᤹ᤖᤧ ᤗᤠᤃᤡᤃ ᤔᤧᤈᤥ᤺ᤰᤁᤠᤴᤗᤥ॥ ᤂᤧᤏᤧ᤹ ᤁᤧᤒᤡᤖᤠᤱᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤃᤡᤖᤰ ᤋᤢᤘᤠ ᤆᤥ᤺ᤰᤁᤠ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤃ ᤁᤧᤔᤏᤠᤛᤡᤖᤥ॥
10ᤀᤡᤱᤃᤠ᤹ ᤁᤳᤋᤢᤱᤛᤡᤱᤒᤠ ᤁᤠᤰ ᤔᤏᤠᤜᤠ᤹ᤃ ᤂᤧᤏᤧ᤹ᤀᤡᤴᤇᤡᤖᤥ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤃᤳᤋᤢᤛᤡᤒᤠ ᤔᤏᤠᤜᤠ᤹ᤃ ᤀᤡᤱᤃᤠ᤹ᤀᤡᤴᤇᤡᤖᤥ॥ ᤂᤧᤱᤜᤠ᤹ᤀᤥ ᤀᤠᤔᤡᤔᤡᤍᤡᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥
11ᤀᤠᤸᤗ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶ ᤂᤧᤏᤧ᤹ᤀᤥ ᤌᤥ ᤌᤠᤱᤅᤠᤖ ᤐᤳᤋᤠᤖᤥ॥ ᤀᤡᤱᤃᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤔᤧᤘᤠ᤹ᤀᤠᤴ. ᤁᤖ ᤂᤧᤱᤜᤠ᤹ᤃ ᤁᤵᤔᤥᤀᤣ ᤔᤧᤘᤠ᤹ᤖᤥ॥ ᤜᤧᤰᤁᤣ᤺ᤸᤗᤧ ᤛᤣᤛᤣ ᤐᤠᤏᤢᤍᤡᤱ ᤀᤠᤶᤒᤣ. ᤂᤧᤱᤜᤠ᤹ᤃ ᤁᤧᤒᤡᤖᤠᤱᤒᤠ ᤔᤢᤰᤛᤠᤶᤃᤧᤴ ᤁᤧᤔᤡᤱᤅᤥ ᤁᤶᤒᤪᤠᤱ ᤔᤧᤳᤋᤧᤛᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤀᤠᤴᤇᤡ᤹ ᤌᤡᤰ ᤀᤠᤘᤠ᤹ᤛᤡᤒᤠ ᤁᤢᤀᤡᤛᤡ᤺ᤰᤁᤣ ᤂᤧᤱᤜᤠ᤹ᤀᤠᤱ ᤌᤡᤰᤜᤢᤵ ᤔᤧᤒᤥ᤺ᤱᤗᤖᤥ॥
12ᤀᤡᤱᤃᤠ᤹ ᤁᤵᤔᤥ ᤘᤕᤠᤱᤗ ᤌᤠᤖᤡᤰ ᤂᤧᤴ ᤔᤡᤱᤅᤡᤸᤗᤧᤴ ᤔᤢᤰᤛᤠᤶᤔᤥ ᤁᤠᤰ ᤁᤶᤒᤪᤠᤱ ᤔᤧᤳᤋᤢᤱᤛᤡᤱᤗᤥ॥ ᤂᤧᤴ ᤔᤧᤰᤔᤠ ᤁᤧᤒᤥ᤺ᤱᤒᤠᤴᤏᤠᤱ ᤌᤥ ᤘᤣ᤹ ᤀᤠᤳᤋᤡᤴᤏᤠᤱ ᤔᤧᤔᤠ᤺ᤛᤢᤱᤅᤡᤴ. ᤁᤖ ᤁᤠᤰ ᤋᤠᤱᤛᤧ᤺ᤵᤋᤢᤱᤛᤡᤱᤗᤥ॥ ᤂᤧᤱᤃ ᤛᤠᤶᤕᤥᤛᤠᤵᤗᤠ᤺ᤴ ᤁᤧᤳᤗ ᤑᤠ᤹ᤀᤠᤱ ᤜᤧᤰᤁᤣ ᤐᤥ᤺ᤰᤂᤧᤒᤠᤖᤥ॥
ᤕᤢᤜᤢᤴᤏᤠ 17
ᤕᤢᤜᤢᤴᤏᤠ 17:9-12