Jon 17:9-12

⁹Ndi kat tɨga mɨn kat wagalalɨgowun. Kan kɨpmamba lɨga kwo nɨmba kat tɨga ana wagalalɨgowun. Wun kat kwima nɨmba kat tɨga mɨn kat wagalalɨgowun. Wun kat kwima nɨmba kat tɨga mɨn kat wagalalɨgowun. Mɨna nɨmba ndi.

¹⁰Mɨna nɨmba wuna nɨmba ndi. Njambwi nyanat tuwa vak vɨga lɨga wuna sɨ kwutaa katsolɨgandi.

¹¹Mɨna lak yavat kan kɨpma tamba kwagala mɨna lɨgowun. Ndi kan kɨpmamba kwagalalaa yawun, kapma lɨgiyandi. Wuna apma nyaek mɨna kwondumba wun kat kwima nɨmba kat awup mɨla. Wamɨn maa ndi kɨta vat yetɨgiyandi. Mɨn wun kɨta vat yetɨlia vla yetɨgiyandi. Wun ndi kat kwagalalaa mɨna lak yaigowun.

¹²Ndinogwinala kan kɨpmamba tuwa njɨmbla ndi kat mɨna kwondumba kwutaa lɨwun. Wun kat kwima nɨmba ndi kat apma vak vɨga lɨwun. Ndi aywaa apma vat tɨgandi. Ndinagwi lɨga kɨta nyan mɨna kavle yindɨ. Ndɨ kavle nyana. Tamba la nyan pɨlɨwukna vapmba ndɨ kavle vat yindɨ.