Yohanese 17:9-12

⁹Ama, Au kotie etesi. Au kotie ete nusa meije mo, po batuke Au kotie ete sie rebe Ama Arilukesi ete Aure le sie meru AmaKu Amu tamataya.

¹⁰Auku tamataru sakesa kai AmaKu Amu tamataru neka. Kai AmaKu Amu tamataru sakesa kai Auku tamataru neka. Kai bei sie meru pine Au supu holmate.

¹¹Meije Au luake loko Ama Ale. Au rue mei nusa moneka, po erisi mei nusa sa. AmaKu Amise titinai le dosa sae mo! Ama Arakasi kena Amu kbasa rebe arilukele ete Au pende, leke onosi esa lupe Ama kai Aure esare.

¹²Kena Au mei kaisi sare, Au rakasi kena Ama Amu kbasare. Au rakasi leke esi supu hlamate, batuke ile esa pine mo. Ile mere rebe teu peneka be tatike pine isupu poie kena otoi narakare. Eono ele mere leke rebe lekie me Alla Eni lepate eonore mere peneka.