John 9:1-6

¹And Jhesus passynge, seiy a man blynd fro the birthe.

²And hise disciplis axiden hym, Maistir, what synnede this man, or hise eldris, that he schulde be borun blynd?

³Jhesus answeride, Nether this man synnede, nether hise eldris; but that the werkis of God be schewid in hym.

⁴It bihoueth me to worche the werkis of hym that sente me, as longe as the dai is; the nyyt schal come, whanne no man may worche.

⁵As longe as Y am in the world, Y am the liyt of the world.

⁶Whanne he hadde seid these thingis, he spette in to the erthe, and made cley of the spotil, and anoyntide the cley on hise iyen,