Joni 9:1-6

¹Areme Jesu fune oenoena e be bu ni kuzeki bieteva fu fino ije gae.

²Ro e vua fuone fievo ije bu una Jesu kuae, E Nijasiamo a vierafega e gure ni ije fu kuzema ije fu ise fuone ijare ke fu orafa ijiebuo ise ijare fu ije ni kuzemano kuae.

³Bu ijiege kuaravoga fu kiae, E gure ni ije fu kuzema ije fu ise fuone ro orafa fuone ijiebuo ise ijare ni kuzema baki. Ro ni fuone ije fume ijiege kuzekina bu rade Godido daro ijia fu kenuja fu una ni nafaega e bu gake.

⁴Ijadufuo na vierafe noka migegire ve ige fu uria sanaema ijia E Ije fu kiemo na ruaeva ijadufuo i ijene medufuo. Ro no saroeke fu ve titutekuma fu erare izege imekuma baki.

⁵Ro igia fie, maza ije na uria ume igia oenoejo ije naeje na ume igadufuo sanaema ijeneno kiae.

⁶Jesu fu e vua fuone fievo ije ijiege kuaria areme uri vi ufena abe sakae ijiakuma ijumijuma abe e ije ni kuzema ijadufuo niome ijia azirae. Areme fu urina kuae, Ni va do Saerome nafuema ijia nikubae one abe do ijia ruorano kuae. (Ro vua Saerome ijadufuo maeje Fu Kuamo Fu Vae). Ijadufuo e ni kuzeki ije fune va do ije Jesu fu kuaema ijia nikubae fuone ruemoga ni fuone fu una nafaemo fune are fuone ijia vae.