John 11:3-12

³Rogaira tamahoghoni toro nia vetena na rongorongo vania Jesus moro ghaghua, “Lord, a kulamu to dolovia te vahaghi.”

⁴Mi tana bona Jesus te rongovia, ge ghaghua, “Na vahaghi eni na mua sosokona nina na mate Lazarus. Ma eni te kale ge kara holohaba nia God, ma kara talumava ghua na Dalena God.”

⁵Jesus te dolovira Martha, ma hoghona, Mary, ma Lazarus.

⁶Hauva mana bona te saravia na rongorongona Lazarus te vahaghi, agaia te ghaha olia so erua na bongi.

⁷Keri ge bosa vanira na vaovarongo, “Ighita ka ghoi oli Judea.”

⁸Ma gaira na vaovarongo tara bosatughu vania, “?Tarai, e mua hau vaso na vure iga tara liona na petaamu, mo ghanaghana ge ka ghoi oli ga?”

⁹Ma Jesus te bosa vanira, “Au ghilala, e hangavulu rua na bona ni aho te dani ilokana sakai na bongi udolu. Keri ge ahei ke oleole tana dani, ke mua sarikiba na pukuna te vaevane, na pukuna na mararana na maramana eni iga.

¹⁰Ma gaia ke ole tana bongi ke, mi geva ke taitarikiti na pukuna te mua logho bulu.”

¹¹Jesus te bosa sokoa eni ge ghoi ghaghua, “A hoghoda Lazarus te maturu tua, mi nau ku tona ge ku va raraihia.”

¹²Agaira na vaovarongo tara bosatughu, “Lord, ke vagha ke maturu ke, mi geva ke ghoi uto oli so.”