SAN JUAN 11:3-12

³Jañá cayoi nc̈hí mé rroanha nc̈ha joajna ngain Jesús co ndac̈ho nc̈ha: ―Xiamigoa soixin nihi xa.

⁴Are Jesús coinhi jihi, ndac̈ho: ―Chin yá nasoenxinhao chin Lázaro, jeho para rroẍagoxin joachaxín Dios co para de ixin chin yá cai rroẍagoxin joachaxín Xenhe Dios.

⁵Masqui Jesús anto joinao jehe Marta, conixin cayoi xanchó Marta, María co Lázaro,

⁶are ndache na Jesús ixin Lázaro venihi, Jesús ẍa vittohe iyó nchanho nttiha ngain tti lugar que vehe.

⁷Después ndac̈ho ngain tti chojni que vacao: ―Chjin na iná para ngain Judea.

⁸Co tti chojni que vacao ndac̈ho na: ―Maestro, ẍa seha chojni judío que techonda joachaxin de ngain lugar mé joinao na narrogoenxon na jaha ixin ẍo, ¿co ẍa rinao tsji nttiha iná?

⁹Jesús ndac̈ho: ―¿Ajeha ndoa que nchanho chonda tteyó hora? Co si ná ni c̈hji ni de nchanho, tonttenguixinha ni ixin dicon ni joadingasán que jí ngataha nontte jihi,

¹⁰pero si ná ni c̈hji ni de ttie, tonttenguixin ni ixin diconha ni joadingasán.

¹¹Cottimeja ndac̈ho Jesús ngain tti chojni que vacao: ―Xiamigoa na Lázaro tajijoa xa, pero sinttaxingamá xa.

¹²Cottimeja tti chojni que vacao Jesús ndac̈ho na: ―Soixin, si tajijoa, rroc̈ho orroxengañao.