Gwa 11:3-12

³Repurone yokanrewata Wale yegi. Wane chinjixluna, “Gitsrukaachi, petanu, wa palukanruni yayixanatka.”

⁴Wa yijnakotinitka Geso wane china, “Tye yayixlu, gi wa gipukchipni seyni rumalwutikolupa Goyakalu, wa Goyakalu Wgene gimalwutikolupa Wale chinanuya.”

⁵Geso gishinikna Marta, ga wa tepuro, ga wa Lasaro.

⁶Giyagni wa jeminitka wa yayixinrinatka, wane rutukawa gepgogne wa rawanatyawaka.

⁷Giyagni wanepnute wane chinna yimaklene, “Gote gayanutnaka.”

⁸Yimaklene wane chinru, “Rawi, tyegognekakniko, raluka sotlujeretanyina Goteyone. ¿Waneklege pyanutnaka?”

⁹Rugita Geso, “Waneylu pagogne pamole gepi gora. Gogi yanini satu, gi wa rutspeta, gi rixanu tyechijne pokamlatachini reta.

¹⁰Wa satu goyechno yanini rutspeta, gi rixanu maleshlu pokamlalu waleya.”

¹¹Rali wane chinretinitka, wane chinna, “Lasarni, walukanru, rapnanutatka. Seyni wane nyanu. Nkomyekapanru.”

¹²Giyagni wane chinruna yimaklene, “Gitsrukaachi, rapnanutini, rutukanu.”