39Eme Samaria ŋokac e haefâc‐ticne ʒiŋuc jazawec: “Wiac epo bapo i mutaniŋke‐nare‐fârejec.” Eme dâŋ irec bocjahazi Jesu manasiŋkembiŋ.
40Irec Jesurao fisirâ jaŋehec juocte hefârembiŋ. Eme Jesuzi mana‐jarerâ ʒoaŋ gie bapa jajahec jaŋere haeo juwec.
41Eme miti jazame bocjaha jâmbâŋzi mana ʒakiembiŋ.
42Ehuc ŋokac ʒiŋuc âzâcnembiŋ: “Qanaŋ gore dâŋ binaŋte erâ manasiŋkembeneŋ, ʒi ine nâŋe nâŋâc micticnaonec dâŋ manarâ ʒiŋuc manapaŋkeŋgopeneŋ: Eki jâmbomac mâreŋ sâc ŋic nâŋâcne Bâbâpiaŋ.”
43Eme Jesu e jaŋehec gie bapa jajahec jurâ Galilaia mâreŋko rawec.
Johane 4
Johane 4:39-43