JAN 6:9-12

⁹“Hin ade jekh čhavoro, saves hin pandž jačmene mare the duj ribi. Ale so oda hin prekal kajci džene?”

¹⁰O Ježiš phenďa: “Phenen le nipenge, hoj peske te bešen.” A pre oda than sas but čar. Akor peske bešle o murša a sas vaj pandž ezera (5 000).

¹¹O Ježiš iľa o mare, paľikerďa a rozdelas le učeňikenge a o učeňika olenge, save bešenas. Avke kerďa the le ribenca, a savoren sas ajci keci kamenas.

¹²Sar imar čaľile, phenďa peskere učeňikenge: “Skiden upre, so ačhiľa, hoj ňič te na musaľol!”