24No pre aver džives, sar dikhle ola nipi, hoj ode nane o Ježiš aňi leskere učeňika, gele andre ola loďki, so avle andral e Tiberijada. Avke avle andro Kafarnaum te rodel le Ježiš.
25A sar les arakhle pre aver sera le moroske, phende leske: “Rabbi, kana ade avľal?”
26O Ježiš lenge odphenďa: “Čačes, čačes phenav tumenge: Tumen man na roden vaš oda, hoj dikhľan o zazraki, ale hoj chaľan ole marendar a čaľiľan.