Iosua 17:5-11

⁵Ma damana i ga vinun na tiniba kai Manase, ma ra gunan Gilead ma Basan ta ra papar a Iordan maro,

⁶tago ra umana natu i Manase, a umana vavina, dia ga kale tika na tiniba varurung ma kana umana bul tutana; ma ra umana natu i Manase dia ga ki valili, dia ga kale pa ra gunan Gilead.

⁷Ma ra langun kai Manase i ga tur pa ia aro Aser ma i tuk uro Mikmetat nina i tur ta ra luaina mata i Sekem; ma ra langun i bolo ta ra papar a lima tuna tadav ra tarai dia ki En-Tapua.

⁸Manase i ga vatur vake ra gunan Tapua, ma ra pia na pal Tapua ta ra langun Manase kai ra tarai Epraim.

⁹Ma ra langun i kuba tadav ra tava alir Kana, ta ra papar a taubar tana; go ra umana pia na pal kai Epraim livuan ta ra umana pia na pal Manase; ma ra langun kai Manase i mur ra tava alir, ta ra papar a labur tana, ma ra ta ia ra mutuaina;

¹⁰a papar a taubar kai Epraim, ma ra papar a labur kai Manase, ma ra ta kana langun; ma dir varlangunai ma Aser ta ra papar a labur, ma ta ra papar a taur dir varlangunai ma Isakar.

¹¹Ma Manase i ga vatur vake ta umana pia na pal pire ra tarai Isakar ma Aser; Bet-Sean ma kana lavur pia na pal, Ibleam ma kana lavur pia na pal, ma ra tarai Dor ma kana lavur pia na pal, ma ra tarai En-Dor ma kana lavur pia na pal, ma ra tarai Tanak ma kana lavur pia na pal, ma ra tarai Megido ma kana lavur pia na pal, ta ra utul a buana.