Joshua 17:5-11

⁵Irera’ e n’en ni rin’ me yag ragag e f’oth ngak Manasseh ngki puthuy nga Gilead nge Bashan u ba’ ni ngek e Jordan,

⁶ya pi’in owchen nib ppin nge pumo’on e go’ ni pi’ taferad binaw. Fare gi binaw nu Gilead e ni pi’ ngak e tin kabay ko pi’in owchen Manasseh.

⁷Fa gin’em ni tafen Manasseh e yan u Asher nge mada’ nga Mikmethath, ko ngek u Shekem. Me yan e mathil riy ko yimuch nge un e girdi’ nu Entappuah ngay.

⁸Fare gi but’ nib liyeg yu Tappuah e ba milfan ngak Manasseh, machane fachi binaw nu Tappuah ni bay ko mathil e ba milfan ngak e pi’in owchan Efraim.

⁹Me yan fare mathil nga pe’ning nge taw ko fachipa’ i lul’ ni Kanah. Fapi binaw ko yimuch ko fachipa’ i lul’ e ba milfan ngak Efraim, ni yug aram rogon ni yad bay ngalan tafen Manasseh. Ma mathil rok Manasseh e yan u mirichlen fachipa’ i lul’ u ba’ ni lel’och nge yan i mus ko fare gi Day ni Mediterranean.

¹⁰Efraim e bay ko yimuch, ma Manasseh e bay ko lel’och, ma fare gi Day ni Mediterranean e aram e mathil rorow ko ngal. Me Asher e bay ko lel’och ni ngal, me Issakar e bay ko lel’och ni ngek.

¹¹Mu lan e yungin ni tafen Issakar nge Asher e binaw e kubay tafen Manasseh riy ni aram yu Beth Shean ngu Ibleam, nib mu’un e yuchi binaw nib liyeg fa gal binaw ngay, ku aramrogon yu Dor (fare binaw ni bay u dap’el’ay), ngu Endor, ngu Taanak, ngu Megiddo, nge yuchi binaw nib liyeg e pi binaw nem.