Ioanej 1:15-45

¹⁵Ioanej me kadede i nil laudeda indada: Iei i, me i padaki wei: Me pan kotido mur i, iei me mier mo i, pwe a kotikotier mo i.

¹⁶Pwe kitail karoj ale jan nan audepa a mak japan potopot.

¹⁷Pwe kapun me kokido jan Mojej, a mak o melel jan Iejuj Krijtuj.

¹⁸Jota me kilaner Kot kokodo, Ol ieroj ta, me kin kotikot pan kupur en Jam o, i me kotin kajaledar i.

¹⁹A met en Ioanej a kadede, ni men Juj kadarala jan Ierujalem jamero o lepit oko, pwen idok re a: Ij koe?

²⁰I ari kotin kadede; a jota likam; a kotin kadede: Kaidin Krijtuj nai.

²¹Irail idok re a: A ij? Eliaj komui? A majani: Kaidin nai i. Komui jaukop o? A japen: Kaidin.

²²Irail ap indan i: A ij komui? Pwe jen japen irail me kadar kit dor. Da me komui kadedeki pein komui?

²³A majani: Nai nil eu, me likelikwir jili nan jap tan: Kaineneda al en Kaun o, duen jaukop Iejaia majanier!

²⁴A irail pakadaradoer jan ren Parijär akan.

²⁵Irail ap idok re a indada: Da me komui wia paptaijiki, ma komui kaidin Krijtuj, o kaidin Eliaj, o pil kaidin jaukop o?

²⁶Ioanej japen irail majani: Nai me paptaijiki pil, a amen kin kotikot nan pun omail, me komail jaja.

²⁷Iei i me kotido mur i, me nai jowar on, en lapwada jal en japwilim a jut.

²⁸Mepukat wiauier Petapara palilan Iordan, waja Ioanej kin wia paptaij ia.

²⁹Mandan ran o a majani Iejuj a koti don i ap majani: Kilan Jippul en Kot, me kin wawei dip en jappa!

³⁰Iei i, me i padaki wei: Ol amen pan kotido mur i iei, me mier mo i, pwe a kotikotier mo i.

³¹A nai jo aja i, a pwe i en janjal don Ijrael, iei me i kokido paptaijiki pil.

³²A Ioanej kadede majani: I kilaner Nen o kotidido jan nanlan ni mom en muroi kotikot re a.

³³A nai jo aja i, a me porone ia don wia paptaijiki pil, iei me kotin majani on ia: Me koe pan kilan. Nen piridi jok poa, o kotikoteta re a, iei i, me kin wia paptaijiki Nen jaraui.

³⁴A i kilanadar ap kadedeki, me iei Japwilim en Kot.

³⁵Mandan ran o Ioanej pil kotida waja o, o na tounpadak riamen ian i.

³⁶A ni a udial Iejuj kotikot kokodo, ap majani: Kilan Jippul en Kot!

³⁷A tounpadak riamen ronadar a majan, ap idauen wei Iejuj.

³⁸Iejuj ap kotin jaupeido majani ara idedauen, ap kotin majani on ira: Da me koma rapaki? Ira potoan on: Rapi (iet wewe: Jaunpadak), ia waja re kin kotikot ia?

³⁹A kotin majani on ira: Kodo kilan! Ira ap poto don kilaner waja, me a kotikot ia, ap mimieta re a ni ran o. Mepukat wiauier impan auer kaeijok.

⁴⁰Andreaj, ri en Jimon Petruj amen re ra, me ronadar jan ren Ioanej ap idedauen i.

⁴¹I me diaradar maj udan ri a Jimon, indai on i: Je diaradar Mejiaj (iet wewe: Krijtuj).

⁴²I ap kalualan i ren Iejuj. A Iejuj lao majani i, ap majani: Jimon, koe nain Iona, koe nok adaneki Kepaj (iet wewe: Paip).

⁴³Mandan ran o a pan kotilan Kaliläa, Iejuj ap kotin diaradar Pilipuj, majani on i: Idauen ia do!

⁴⁴Pilipuj men Petjaida, kanim en Andreaj o Petruj.

⁴⁵Pilipuj diaradar Natanael, ap indan i: Je diaradar i, duen me Mojej intiniedier nan puk en kapun o jaukop akan: Iejuj men Najaret, japwilim en Iojep.