13Pilato ese unai hereva ia kamonai, vadaeni ia ese Iesu ma ia hakaua murimuri dekenai. Vadaeni ia ese kota henia gabuna dekenai ia helai diho, unai gabu ena ladana be Nadi Dehena. Heberu gado dekenai ena ladana be Gabata.
14Unai be Pasova Aria idia karaia hegaegae ena dina, negana be dina tubua. Pilato ese Iuda taudia dekenai ia hereva, ia gwau, “Umui itaia, umui emui King be inai.”