Idisu 23:22-30

²²Gode da ili Idibidi sogega fisili masa:ne, goeguda: oule misi. E da sigua bulamagau defele, ili fidima:ne gegenana.

²³Isala:ili dunu hasalimusa: da wamuni dawa:su o yagono hou hamomu da hamedei. Wali dunu huluane da Isala:ili ea hou ba:sea amane sia:mu, ‘Ba:ma! Gode Ea hamoi ba:ma!’

²⁴Isala:ili fi da gasa bagade laione wa:me agoane. E da mae helefili, hu dodosa:sa amola naha amola medole legei liligi ea maga:me naha. Mai dagoiba:le fawane helefisa.”

²⁵Amalalu, Ba:ila:ge da Ba:ila:mema amane sia:i, “Di da Isala:ili dunu ilima gagabusu aligima:ne ilegemusa: higasa. Defea! Be ilima hahawane dogolegele hou maedafa aligima:ne ilegema!”

²⁶Be Ba:ila:me da amane bu adole i, “Na da dima sia:i dagoi! Na da Hina Gode nama sia:i liligi fawane hamomusa: defele gala!”

²⁷Ba:ila:ge da amane sia:i, “Ania da eno sogebi amoga ahoa:di! Amabela:? Gode da di amoga Isala:ili dunu gagabusu aligima:ne ilegemusa:, amogawi dia logo doasima:bela:?”

²⁸Amaiba:le, e da Ba:ila:me amo oule asili, Bio Goumi amoba:le heda:i. Amogawi, wadela:i hafoga:i soge da elea midadi gududi ba:i.

²⁹Ba:ila:me da ema amane sia:i, “Goeguda: oloda fesuale agoane gaguli, nama bulamagau gawali fesuale gala amola sibi gawali fesuale gala amo gaguli misa.”

³⁰Ba:ila:ge da ea sia:i defele hamoi. E da oloda afae afae amoga bulamagau gawali afae amola sibi gawali afae gobele sali.