Namba 23:22-30

²²Anôtô, taŋ gêwê eŋ gêwi Aiguptu siŋ naŋ, kêkêŋ ŋaclai gêdêŋ eŋ kêtôm bôcgabuŋ ŋajabo.

²³Biŋ beŋŋa teŋ kêtôm gebe enseŋ Jakob atom, ma biŋ sêpuc boaŋa teŋ enseŋ Israel atom. Galoc sêsôm kêpi Jakob to Israel gebe ‘Anôtô gêgôm gêŋsêga kaiŋ teŋ.’

²⁴Alic lau tau acgom. Êsêac têtôm lewe têna gêdi sa. Êsêac têtôm lewe kêpuc tau gêdi kêkô. Eŋ êlêwaŋ tau atom e êniŋ gwada su ma ênôm gwada, taŋ gêjac naŋ, ŋadec.”

²⁵Go Balak kêsôm gêdêŋ Bileam gebe “Aôm kôpuc boa êsêac atom, tec ônam mec êsêac atom amboac tonaŋgeŋ.”

²⁶Bileam gêjô eŋ awa ma kêsôm gêdêŋ Balak gebe “Biŋ samob, taŋ Anôtô kêjatu naŋ, aê oc jaŋgôm ŋanô êsa. Aê kasôm biŋ tonec gêdêŋ aôm me masi.”

²⁷Balak kêsôm gêdêŋ Bileam gebe “Ômôêŋ acgom, aê gabe jawê aôm ôna gamêŋ teŋ. Moae Anôtô oc êlic ŋajam gebe aôm ôpuc boa êsêac êtu aêŋa aŋga ônê.”

²⁸Go Balak gêwê Bileam kêpi lôc Peor ŋatêpôê gêja. Aŋga ônê eŋ gêlic gamêŋ sawa.

²⁹Ma Bileam kêsôm gêdêŋ Balak gebe “Ômboa altar 7 sa êndêŋ aê aŋga tonec ma ôkôc bulimakao kapoac 7 to domba kapoac 7.”

³⁰Balak gêgôm kêtôm Bileam kêsôm ma kêkêŋ bulimakao kapoac teŋ to domba kapoac teŋ kêtu daja gêsac altar 7 tau ŋaô kêtômgeŋ.