NARONAA 23:22-30

²²Luda ń bↄ́tɛ Misila, ò gbãna vĩ lán zùsɛ̃ntɛ bà.

²³Oni fↄ̃ ò pↄ́ da Yakubu burinↄaro, oni fↄ̃ ò àlesi bɛ̃̀nɛ kpá Isarailanↄnɛro. Zaa gbãra onigↄ̃ o ń yã musu, yã kũ Luda kɛ̀n gwe.

²⁴Buri pìi dì futɛ lán músuda bà, àdi a zĩda bi lán músusaa bà. Àdi wútɛro ari à gɛ́ pↄ́ kũ à só, ari à gɛ́ pↄ́ kũ à dɛ̀nↄ aru mi.

²⁵Balaki pìnɛ: Ǹsun ń káro. Ǹsun sa mana ońnɛ sero.

²⁶Balamu pìnɛ: Mádi onnɛ kũ yã kũ Dikiri dàmɛnɛn mani oroo?

²⁷Balaki pì Balamunɛ: Ǹ mↄ́ sà, mani gɛ́ kũnwo gu pãnden. Òdigↄ̃ dↄ̃ro tó ani kɛ Ludanɛ ǹ gbɛ̃ pìnↄ kámɛnɛ gwe sà.

²⁸Akũ Balaki gɛ̀ɛ kãao Peo kpi musu kũ à arɛ dↄ gbárannaa.

²⁹Balamu pìnɛ: Ǹ gbagbaki bomɛnɛ la mɛ̀n suppla, ǹ mↄmɛnɛ kũ zùsanↄ mɛ̀n suppla kũ sãkaronↄ mɛ̀n suppla.

³⁰Balaki kɛ̀ lákũ à ònɛ nà à sa òḿma kũ zùsaa pìnↄ kũ sãkaroo pìnↄo.