GWAY GI IDAWUU’D 92:2-6

²mmobah gwo gom mo/en pini jin ṯelu sho’k mo mon’thamo/ mo, dhali mo ma isiŋ ganam pini mon’thiny mo,

³dhali ki koŋ gway ma dheŋdhenye/ jin ’kon ma shu/i ’kume’d mo jin buḵu ki dar ga yi’c mo dhala dheŋdhenye/ mo, dhali ko jin lukum ma dheŋdhenye/ jin ’kon ma shu/i pesu/ mo be.

⁴Haali/ /e, ayy Tap̱a, /e karki aha/ mmo’kuny bwa ki ’kuny gom miim pini mo. Ki miin to ki me’d pini mo tani aha/ yuḵkina gway ki moŋ’kuny bwa mo.

⁵Dhan miim pini ’ka’da miiya, ayy Tap̱a. Gwom pini kun kuluma /e ibwa mo tani uni ’kula’kul mo.

⁶Wathi/ jin ta dholgon mo tani mol a’di mish ’ban mo, wathi/ jin ’kan ma ’kama janya/ mo tani a’di mol mish gwo yansan ’ban mo be.