GWAY GI IDAWUU’D 141:2-8

²Dhalki mon’thom pem a’di deŋu e me’da ku’da ’bicajwahar ibwambori /e mo, dhali mo jin ’de’kka/ me’d pemi mis mo me’d to jin ’ciṯẖu/ ’kus mom’pimpili/ mmomiiya bas mo.

³Kari mo jin jinuwa ji ap̱o/ ’twam pem mo, ayy Tap̱a, doshi mmotima campur gi ’twam pem mo.

⁴Dhalku/ ki ḵa’da dum pem ki ma tonthusa kamu/ mo, mmoshwa pibi/ anyor ki is pem gom tonthus mmomii mo mmonyaḵ ya ki ’kwani kun mii to kun ’coḵa’coḵ mo, dhali dhalku/ ki dhal aha/ bway mo mmoshwa tonṯem buni kun ṯawusaṯawus mo.

⁵Dhalki wathi/ jin ’boro’d idor aha/ mo walla ḵucur aha/ ki bwaŋkush mo, hili dhalku/ ki dhala yin gi ’kwanin thus ki a’di minu ’kosh ’kup̱ pem ki sule/ sule/ mo. Haali/ mon’thom pem ṯikirkika/ ap̱o/ tonthus buni kun miina uni mo.

⁶Me’d jin c̱ikunu uni e me’d gi uni gwansan kun mini waḵ uni mo tani dhali yan’ko’d uni mini da/ar gwo ki gwon Tap̱a a’di ita gwoŋ gana/ mo.

⁷Me’d wosh jin koṯẖkina jan ṯal ’de/ me’d mo dhali shaṯ uni ap̱owa ’cesh mo tani wakan asimam buni minu ’kwaḵar bwa mo e ’twa/ ma Haawiya mo.

⁸Hili em pem di’d ’kup̱ ki /e mo, ayy Tap̱a Arumgimis. E /e mo tani aha/ simmkina mo jin hurga/ jwa e mo. Dhalku/ ki dhal aha/ me’d wathi/ jin dar gi mo jin ceshuwa cesh ka p̱o/ mo.